Zirlaite hnam lam intihsiak

Mizo Cultural Organisation, School Education Department, Mizoram State Sports Council leh Tourism department tangho buatsaih ‘zirna in pual Mizo hnam lam intihsiak’ neih chu Zirtawpni khan a hmawrbawkna hman a ni a. School Education minister Lalchhandama Ralte leh Tourism minister Robert Romawia Royte ten an hmanpui.
Intihsiak hi hlawm thum – college/ university, high school/ higher school leh middle school-ah then a ni a; zirna in 70 atangin hming an pelut a, zirna in 56 atangin an inlan thei a ni. College/ university zirlaite chu Cheraw (Kantluang) leh Chheihlam hmangin an intihsiak a, HS/HSS zirlaite Cheraw (Kantluang) leh Sarlamkaia intihsiakin, middle zirlaite chu Cheraw (Kantluang) leh Chawnglaizawn hmangin an intihsiak a ni.
College/ University ah 1-NA Govt. Aizawl College, 2-na Pachhunga University College, 3-na Govt T Romana College; HS/HSS ah 1-na Home Mission HSS, 2-na Home Mission HS, 3-na Govt. Mizo High School; M/S ah 1-na Govt. Middle School Reiek, 2-na Govt. Middle School Chhinga Veng, 3-na Neuhof English Middle School an ni a. 1-na in Rs. 50000, 2-na Rs. 30000 leh 3-na Rs. 20000 an dawn bakah trophy leh certificate hlan an ni.