India Sun observatory Aditya-L1

India chuan Sun observatory mission hmasa ber chu a kap chhuak ta a, a hma lawkin India hian Thla south pole-ah a lo tum tawh bawk a ni.
Aditya-L1 chu kar kalta Inrinni khan Sriharikota atanga kahchhuah a ni a. Lei atangin 1.5 million km a hlaah a kal dawn a ni.
India space agency ISRO te chuan a tum ram thleng tur hian thla li chhung hun a mamawh dawn tiin an sawi a.
India-in solar system-a object lian ber zirchiang tura mission a kalpui hi Surya tih niin Hindu Pathian ni niin Aditya tia hriat a ni bawk.
L1 tih hi Lagrange Point 1 tihna niin Indian spacecraft kal tumna Ni leh lei inkar sawina a ni.
European Space Agency te chuan Lagrange point chu object lian pahnih Ni leh Lei gravitation forces te inthenna tak tia sawiin hei vang hian spacecraft te chu an kal kual thei tiin a sawi a.
Aditya-L1 hian he ‘parking spot’ hi a thlen veleh Lei a hel kual anga chak thovin Ni a hel kual thei dawn a, a awmzia chu satellite chuan fuel a mamawh tlem dawn a ni.
Satellite kahchhuah a nih hnuah Indian Space Research Agency (ISRO) te chuan a hlawhtlin thu sawiin thil engkim a pangngaiin a kal vek tiin an sawi a. Darkar leh leh minute li a thlawh hnuah ISRO Chaun ‘A hlawhtling e’ tiin an puang zui a.
“A zinkawng a zawh zui zel ang a, zinkawng thui tak niin ni 135 a hmang ang” tiin Isro chief Sreedhara Panicker Somanath chuan a sawi.
Project director Nigar Shaji chuan Aditya-L1 in a tum ram a thlen hunah chuan India chauhin hlawkna a tel dawn lova khawvel huapa scientific community ten an hlawkpui dawn tiin a sawi.
Aditya-L1 hian L1 a pan hma in kan chenna lei hi tum tam tak a kalhual phawt dawn a.
A tum ram a thlen hunah chuan fiah takin Ni chu a enfiah reng thei dawn a, ni awk lem laia hliah a nih lai pawhin a enfiah thei reng dawn tiin scientists te chuan an sawi a.
ISRO te chuan mission kaihhnawiha sum sen zat an sawi chuang lo chungin Indian press te chuan 3.78 billion rupees an seng angin an chhut thung.
ISRO te chuan orbiter chuan scientific instrument thahnem tak solar corona (layer pawn ber) te, photosphere (Ni surface emaw lei atanga kan hmuh theih te) bakah chromosphere (plasma layer pan tak phostosphere leh corona inkara awm te) chu zirchiang thei dawn a ni.
Scientists te chuan solar activity an zirna kawngah hriat belh an neih theih phah dawna ngaih a ni a, a bik takin solar wind leh solar flares ang te bakah Leia ni in nghawng a neih dan te leh near-space weather te pawh an hre thei dawna ngaih a ni.
ISRO scientist hlui Mylswamy Annadurai chuan Ni chuan kan chenna Lei weather te chu radiation, heat leh particles flow leh magnetic field a pekchhuah hmangin a nghawng reng a ti a. Chu mai bakah chuan space weather-ah pawh danglamna a siam thin a ni tiin a sawi.
“Space weather chuan satellite function a khwih danglam thei a. Solar winds chuan satellite a electronics te a khawih dang lam thei a, power grid te pawh a tichhe thei. Space weather kan hriat theih chin hi a la tlem a ni,” tiin Annadurai chuan a sawi.
India hian van thengrengah satellite 50 chuang a nei tawh a, heng te hian information pawimawh tak tak heng communication links, weather data te bakah pest infestation, khawkheng leh chhiatrupna thleng mai thei te a hrilh lawk thei a ni. United Nations Office for Outer Space Affairs (UNOOSA) te chuan Earth’s orbit-ah satellite 10,290 vel a awm mek a, heng zinga 7,800 vel chu hman meka awm tiin a sawi.
Aditya hian hrilh lawkna tha leh chiang zawk kan nun innghahna tam tak te min hrilh thei dawn a ni, tiin Annadurai chuan a sawi.
“Ni-a solar wind leh solar eruption awm te a thlen hmaa a thleng tur kan hre lawk thei a nih chuan kan satellite te hmun him lamah kan dah thei dawn a. Chu chuan kan satellite te dam rei theih chhung a tirei thei hle dawn a ni,” tiin Annadurai chuan a sawi bawk.
Aditya L-1 kahchhuah a nih hma lawk hian India chuan lunar south pole ah hlawhtling takin a tum tawh bawk a. India chu US, Soviet Union hlui leh China tih loha Thlaa tum thei hmasa ber ram a ni zui a ni.
Aditya-L1 hi a thlawhtling a nih chuan India chuan Ni zir chiang thei ram tlem te a pawh ve dawn tihna a ni a. Japan chu hmasa ber niin kum 1981 daih tawh khan solar flares zirchiang tur mission a kalpui tawh a. US space agency NASA leh European Space Agency (ESA) te pawhin kum 1990 tir vel atang khan Ni an zirchiang tawh a ni.
February 2020 khan NASA leh ESA te chuan hnai taka Ni zirchiang tur Solar Orbiter an kapchhuak tawh bawk a.
Kum 2021 han Nasa spacecraft thar ber Parker Solar Probe chuan history siamin Ni atmosphere pawn lang ber corona chu a thlawk tlang a ni.