Zing thawh hlima tui in thatna

Zing thawhhlim, kawruak laia tuisik in hian thatna a ngah hle mai, tui in tam a tha tih chu kan hria a, mahse, zingkara tui in chu engtiang chiahin nge kan taksa tan a that tih erawh kan hre kher lo mai thei, tun tumah hian Times of India health section-in zingkar kawruah laia tui in thatna ni a an sawi te kan rawn tarlang e.
Japan-ah chuan tukthuan ei hma minute 30 velah tui no li an in thin, hetianga tih hian nilengin mi a tiharh vangin a tihrisel thei a ni. Kawruah laia tui in hian pum tan a tha hle a ni. Zing thawh hlimah thil dang ei hmain tui in thin ang che. Kawruah laia tui in hian ek a tinem a, inthiar lama harsatna nei tan a tha hle. Vun tan pawh a tha a, kan taksa atangin bawlhhlawh a paihchhuak a, vun a tiêngin a a timam thei.
Kawruah laia tui in hi ril (colon) tan pawh a tha hle, ril a tifai a, chuvangin kan taksain nutrients a lo hip zung zung theih nan a tanpui nasa hle a ni.
Kawruah laia tui in kan thisen cell a ti thang chak a, chuvangin thisenah oxygen a lo tam a, chu chuan energy a siam a, mi a tiharhvang thei a ni.
Tuiah chuan calorie pakhatmah a awm lo a, metabolism a tichak a, calorie paihchhuah nan a tha a, chuvangin intihcher tum tan chuan tui intam tur a ni. Tuktin zing thawhhlim kawruah laia tui kan in hian kan taksain natna a do theihna (immune system) a tichak a, tlang hrileng lakah kan him phah thei bawk a ni.