Ruihhlo dona kawnga thawhho dan tur sawi

Mizoram Police hotute leh Central YMA chuan ruihhlo do kawnga thawh ho dan tur leh ruihhlo ngaite enkawl dan tur chungchang an sawidun.
DGP Mizoram Anil Shukla chuan Thawhtanni khan Central YMA hruaitute a kawm a. Mizorama ruihhlo hluar lutuk leh a kalkawng a nih chungchangah chak lehzuala doa tirem tura thawh dun dan tur a sawipui a. Ruihhlo ngaite enkawl chungchang leh a kaihhnawih an sawi bawk. Hei bakah hian kumin kumtawpa MLA inthlanpui awm turah boruak muanawm tak hnuaia neih a nih theih nan YMA chu thawhpui a sawm a ni.
Inkawmnaah hian DGP hi DIG (NR) Lallianmawia’n a tawiawm a; Central YMA president R Lalngheta hoin an kal a ni.