Bar Exam Centre remti

Mizoramah All India Bar Examination (AIBE) Centre thar hawn remtih a ni tih sawi a ni.
Govt Mizoram Law College Student Bar Council thuchhuak chuan AIBE Centre thar Mizorawm a hawn a nih theih tur thu hi sawiin, hemi tihhlawhtlinna tura theihtawp chhuahpuitu Law minister TJ Lalnuntluanga chungah lawmthu a sawi a ni.
‘Law zirlaite mamawh zia hria in, kan state-a AIBE Centre a awm ve theih nan Law minister hnenah kan duhnate ziakin kan thlen a. Bar Council of India hnena kan lehkhathawn pawh Delhi-ah minister hian min kensakin, Mizoramin AIBE Centre kan neih theihna turin Bar Council of India chairman hnenah dilna min thlensak a ni,’ tiin a chunga lawmthu an sawi chhan a tarlang.