Sum bawhzui saktu minister chawimawi

Home enkawltu intelkhawm Mizoram Homes’ Association chuan Social Welfare & Tribal Affairs minister Er Lalrinawma chu an sum tur a bawhzui sak avangin lawmthu sawinan chawimawina thuziak an hlan.
Mizorama kohhran leh NGO enkawl Home-te hi an sum dawn tur an dawn theih loh tura ngaih tawh, cheng vaibelchhe 13 chu Social Welfare minister hian bawhzuiin, central sawrkarin a rawn sanction sak leh a, sum erawh an la ngaichang mek. He sum hian an Home hrang hranga thawktu ho thla 7 vel lawmman tur a daih pha a ni.
Hei vang hian Mizoram Homes’ Association chuan an lawmthu sawi nan citation hi September 4 tlai khan minister hi a a office chamber-ah an hlan a. Minister chuan, a tih tur a ti mai chauh a ni a, Mizorama naupang chanhaite enkawlna tur mamawh kan nei theui ta chu a lawmna zawk a ni tih a lo hrilh.