Court-in thuremna tikhawtlai rih

Supreme Court chuan nimin khan Article 370 of the Constitution state of Jammu and Kashmir (J&K) special privileges pekna nuaibo chungchang a ngaihtuaha thutlukna chu a la khek khal rih.
Five-judge Constitutional Bench Chief Justice D.Y. Chandrachud kaihhruai chuan peitioner leh sorkar lam atangin ni sawm paruk chhung zet an tanna a ngaithla a.
August 5 leh 6, 2019 a Presidential Order leh Jammu and Kashmir Reorganisation Act, 2019 (2019 Act) te chu constitution kalh tiin petition thahnem tak court-ah thehluhin a awm a ni.
Petitioner te chuan Article 370 nuai bo chu federalism beihna leh Constitution tihchhiat tuma an ti a. 2019 Act chu unconstitutional tibawkin a chhan chu Article 3 chuan Parliament chu federal democratic States te a aia hniam zawk Union territory a dah theihna thuneihna a pe lo an ti bawk.
Chutih laiin Union government thung chuan Article 370 nuaibo chu tihmakmawh tia sawiin J&K chu Union of India a hmehluhna tur a ni a, valley a inthlan pawh thil a pangngai veleh neih a ni ang a ti ve thung.
Bench chuan zawhna tam tak – State Constituent Assembly thiah te chuan Article 370 nuaibo theihna a thlen em tih te, provision chu Basic Structure of Constitution zingah a tel em tih te bakah Union government in Article 370 a nuaibo ah judicial review awm theihna dal a ni em tih te pawh a tel.
Kum li dawn tihkhawtlai a nih hnuah he thubuai hi ngaihtuah chauh niin March 2020 khan Court chuan bench lian zawka ngaihtuah tur tiin Justice N.V. Ramana kaihhruaina five-judge bench in a ngaihtuah hma in kum 2019 khan three-judge bench CJI hlui Rajan Gogoi kaihhruai chuan a lo ngaihtuah tawh bawk.