Laldawngliana, Kolasib
-- Advertisement --
15th August, 2023- India Independence day vawi 77- lawmnaa kan CM Pu Zoramthanga thusawi kha tui takin ka bih a, lawmna tam tak ka hmu a, chuta min ti lawmzualtu chu, Bairabi Civil Sub division hawn a ni ta leh, Kawrtethawveng RD block leh Tlabung RD block hawng theia an awm hi a ni; an huamchhunga mipui neitu thinlung pu tak tak te, ka lawmpui takzet a ni.
Statistical HandBook Mizoram 2020 -in a tarlan ang chuan Civil Sub-Division-24 chu 25-ah, RD block-26 atangin 28-ah kan kai chho ta a, kan phuisui sawt viau mai. Mizoram pum district 8 ni thin kha district 11-ah kan awm chho ta bawk a. Heti zawnga ngaihtuah chuan a lawmawm.
2011 Census ang chuan district 8-a mihring awm zat chu 10,97,206 kan ni a. District 8-a mihring kan insemdarh dan chu hetiang hi a ni:
1. Mamit- 86,364 (Area:3,025 sq.km)
2. Kolasib – 83,955 (Area: 1,382 sq.km)
3. Aizawl- 4,00,309 (Area:3,576 sq.km)
4. Champhai- 1,25,745 (Area:3,3185 sq.km)
5. Serchhip- 64,937 (Area:1,421 sq.km)
6. Lunglei- 1,61,428 (Area: 4,536 sq.km)
7. Lawngtlai- 1,17,894 (Area: 2,557 sq.km)
8. Siaha – 56,574, (Area: 1,399 sq.km)
Sorkarin NLUP sem a tihtawp thu leh, sign board pawh hawlhthlak a nih thu leh, district 3 tihpuitlinna tur Notification tihchhuah thute, chu he sawrkara kan thil hriat hmasak an ni a. District la neih belh zel hi tha ka ti a, a hun erawh chu la inhril se. Aizawl district mipui nuai 3 chuang awmna a office dawr hautak lutuk k^ra awm ai chuan, thil tih zung zung awlsamna district te z^wka awm chu, chak an la tam dawn tih kan CM hian a lo sawi tawh bawk a. Thenzawl district a pian theih nan hma latu tur committee din a nih tawh thu leh Chalfilh Group YMA, Tuisual Group YMA leh, Darlawn District Demand Committee te pawn, Darlawn Dist.hi piang se an duh thu Mizoram mipuiin kan hria in, awmze neia beisei dangte pawh an la awm a.
Economics & Statistics department-in khaw dinhmun an zir chianna hrang hrang an tarlanna, ‘Village Profile & Development Indicators 2017-2018: Mizoram State’ tih lehkhabu, April 29,2019 -a an tihchhuah takah -Mizoramah thingtlang khua -725 a awm a, chungah chuan chhungkua 1,28,681 awmin, mi- 6,45,889 an awm a. LAD Directorate in an tih chhuah ang chuan Village Council -834 a awm bawk a ni. Inthlang mai tur kan nih tawh avangin Mizoram district hrang hrangah final Electoral Roll, 2023 January- a tih chhuah meuh a nih chuan Mizoramah voter – 8,42,959 kan awm hman tawh a ni.
Political party te pawh hian Population Policy/Project te pawh hi ngaihtuah a, ram leh hnam kan him nan neih hi a hun tawh takzet a ni. Aizawl khawpui hi 1961- census-ah chuan mihring 14,257 an awm a, Kum 1971-ah chuan mi 31,740 an tling hman a ni. 1981-ah chuan 74,493 ah kai chho in, 2001-ah chuan mihring 2,29,713 an tling chho ta dawrh mai a ni. District capital tin te hi state capital tluka an hmasawnna tur dah pawimawh lehzual hi state sawrkar mawh liau liau a ni. Tun sawrkarah pawh hian Champhai lam an vui viau tih kan hria; Lunglei lam pawh an lawm lo viau tawh a. Politics zawng ringawta kan mamawh leh duh, kan inpe dawn a nih chuan Mizoram hi kan hlawhchham ang .
District Hqrs-tina mihring insemrual dan -2011 Census-in a tarlan dan chu hetiang hi a ni:
1. Aizawl – 293, 416 2. Lunglei -57,011
3. Champhai -32,734 4. Siaha -25,110
5. Kolasib – 24,272 6.Serchhip- 21,158
7. Lawngtlai – 20,830 8. Saitual – 11,619 9. Mamit -11,617 10. Khawzawl – 11,022 11. Hnahthial – 7,187
Mizorama district hrang hrang hmasawnna ^tchilh tlat mai, sorkar hi piang thei sela a tha ngawt mai. Sum hman dan rualkhai lo lutuk thin hi a veiawm.
Mizoram sawrkar hnuaiah district sawmli chuang a awm a, chung sawrkar dept te chu a tul dan angin district hrang hrangah a inzar pharh ve zel a, chak lutukin thil tih theih ni lo mah se, mipui mamawh tawk ang chuan hma hi l^k z>l niin ka hria a, thil lawmawm tak pawh a ni. Amaherawh chu, Central Dept. Govt.of India District Hqrs-a inbun ve tur chi erawh an la inbun muang hle a ni.
Tin, sawrk^r laipui atanga hmasawnna hna thawhna atana sum, district a lut tur chi pawh a la beitham hle a ni. District hrang hrang te hi hmasawnna mamawh tak vek kan ni mek a ni. Planning-ah State Sorkar a kal nat loh chuan hmasawnna hi a chak thei thin lo a ni.
Kan CM-te, kan Minister-te hian Dist. Hqrs.te hi hmasawnna buaipui leh enin an tlawh taima t^wk lo vek. Aizawl Khawpuiah an tawm tlat a, hei hi Corruption v^ng chauh a ni. District pawn lam hmasawnna hnathawh nan sum an ui tlat. Khawilai lungrem tur/chim en tur chuan zingkar thawh phan pawh nise an viak a tha vek. Mizoram hi Sq.Km 21,081 a zau chauh kan ni chung hian kan inenkawl hneh lo hle a ni. Kolasib district bîkah han tum lut ila. Kan Minister Zahawm tak Pu K.Lalrinliana hi Kolasib Mipuite hian kan ngaina, Pa rilru tluang tak pawh a ni tih kan hria, a party t^n pawh innghahna tl^k a ni, amah hi kan inti neitu thei vek mai. State sawrkarin a pui tha tawk lo hle tih erawh kan hai hauh lo; amahina a tih theih chinah chuan a bial tan theih tawp a chhuahin kan hria.
Pathianin mal min sawm a, beisei loh lam atangin cheng vaibelchhe tel a rawn l
Kolasib-ah hian Sports Dept.-in hma an l^kna awm hi ka hre lo, CM hian ti lo turin an lo inhrilh ru nge ni, Sawrk^r dept. dang pawh hi an tim deuhin ka hria. Vantlang/sawrk^r ang paw’n Hall lian tham pawh min la ngaihtuahsak thei lo. Kum 2020-a Sports & Youth Services Minister a lo kal b^k kha, hmasawnna lam hawia a lo kal leh hi a awm em? Kolasib District Football Association ngennain, Kolasib Stadium thar a dunglam metre 5-a tihsei dan tur thlir hona te pawh kha, engnge a an t^k zel etc; he stadium hi tihchangtlun la ngai tak a ni. Chutiangin kan field pawimawh tak Diakkawn field pawh, sawrk^rin min la ngaihsak loh chuan mipuiin pawisa kan nei ve lo. |umpui field pawh practicing ground tha tak atan buatsaih phurawm tak a ni reng. Kan bazar rinrawl ber Diakkawn Bazar pawh ni tina thute tan a him lo chho viau tawh. Khawpui chhung kawng pawh, tun aia a khirh zual hmaa zauh sak hi kan mamawh a ni etc. He sawrk^rah hian engkim mai hi Kolasib bial tan hian a khirh em em vek mai a ni. District Hospital tur sak mek a ni a thil lawmawm tak a ni, hei lah hi sawrkar hmasa hmalakna chhunzawmna a ni a. He sawrk^rah hian a thu paw’n a tak paw’n, bul min tansak ka hre miah lo. Tun an sawrk^rah hian Kolasib hi kan hul hle hrih a ni. Chutih laiin tun hnaiah Aizawl khawpui mamawh b^k pawh a ni ang, Vote zawn nan lungphum an phum tlut tlut thung a. He Sawrk^r kal dan hi ho tak a ni; an duh tawk chin Aizawl Municipal Area-ah lungphum an phum zo a, an SEDP sem dan an ngaihtuah chho leh nghal char char mai te hi, han thlirsak chuan khawvela Sawrk^r khawsa ho berah, khawvel hmundanga awmten min kohs^k ta se, Mizo mipuite hian kan phal hauh thung si lo vang.
Federation of Mizoram Government Employees & Workers (FMGEW) in, kum 2015 khan Mizoram Finance Minister chu, sum dinhmun tha lo leh a siam thatna tur, a vei tak tak nia an hriat avanga sawrk^r kalphung siam that nan, a pisa a an hmuh tumah khan – Mizoram sawrk^r inrenchemna tura rawtna an hnuaia association hrang hrang atanga rawtna an hmuhte an zir chian hnua sawrk^ra an thlen te zîngah chuan sawrk^r department-ten ram ruak an nei tam lutuk hi tihral dan ngaihtuah ni se. Mipuiin chhiah an p>k tam zel av^ngin an thikthu a chhe tial tial a, tul pawimawh chauh lei ni se. Sawrkarin thil man thununtu tur siam se, sawrk^r hotu liante lirthei kawl tihtlem, tih leh Thlarau MR a awm anga sawi thin tihtawp a nih theih nana hmalak te chu a langsar te an ni a. Chief Secretary kal chhuak ta (2014) -Pi L.Tochhawng khan, Mizoram sawrk^r hnathawkte chu, state dang khaikhinin an tha thawkhata a hriat thu, a sawi atanga lo lang chu Sawrk^r tha nei tura inthlan hman tangkai hi a ni.
Mizoram sawrk^r hi a inenkawl fel lo hle a ni tih hi chu mipui tan pawh thil hriat harsa lo tak a ni a. State sawrk^r ber a inenkawl fel loh chuan, district hmasawnna lam phei chu loh theih loh chinah chauh, hmal^k theih a ni dawn chauh tih a lang a, Chutiang tur chuan chief minister rintlak mipui tana nghenchhan tl^k, kan neih chu a pawimawh ber a chu a ni. Mizoram sawrk^r hnuaia dept hrang hrangte zir chianga’ hmasawnna hna tun aia mumal z^wk leh rualkhai taka district hrang hrang a kal theih nan sawrk^r fing tak leh tha tak hi kan mamawh a ni.