Politics tha hmangin kan ram kan siam dawn – Lalsawta

Politics tha hmangin kan ram kan siam dawn – Lalsawta
Politics tha hmangin ram an siam dawn a. Congress ah ram leh hnam damna a awm tih Congress president Lalsawta chuan a sawi.
Inrinnia Aizawl West-III Block Congress Extended Committee leh intuaitharna a hmanpuinaah Lalsawta chuan politics chuan engkim a chingfel thei a, engkim a tibuai vek thei a, politics tha hmangin ram an siam dawn tih a sawi.
Congress-ah ram leh hnam damna a awm, tiin, “Congress party hi sakhaw zalenna kengtu, a neitu leh a duangtu, a kungpui, zahawm taka kalpuitu kan ni. Sawrkar hi mipui ta a ni a. An tan thil tha a tam lutuk. Sum enkawl thiam phei chuan nasa takin hma kan la thei dawn. Tang puihna hmang chauh pawh hian kan danglam thei a, Mizoram a danglam anga, kan ram, kan hnam hi a danglam ang,” a ti. MNF-in UCC duh lo lama an awm nia an insawi chu zahthlak a tih thu a sawi bawk.
AMC Ward No.XV corporator Zodingpuii chuan Aizawl West-III in bial viltu tha, bial dang leh party dang pawhin an awh rawn, chief minister tur mi tha, mi dik, mipui rin hlawh Pu Lalsawta an nei, tih a sawi. Mizoram mipui tanho a ngai, tiin, “Kan ram ngeiah hian kan him loa, kan ram, kan hnam leh sakhua humhim hi kan tihmakmawh a ni,” a ti. Dinhmun tha, lalna leh thuneihna chan ve tuma sawrkar ve hrim hrim tuma MNF leh Congress lo sawrkar tir tuma inzawrhna chu ram tan a hlauhawm tih a sawi a. Taimakna nen ram hmasawnna tura thawh chu Congress-in sawrkar a tum chhan a ni tih a sawi.