Mizoram taekwond team kutah medal 5

Thawhtannia Guwahati khawpuia khelh zawh tak National Senior Taekwondo Championship vawi 39 leh National Poomsae Championahip vawi 16-naah Mizoram team chuan gold medal pakhat, silver pahnih leh bronze medal pahnih an hlawhchhuak.
Gold medal hi poomsae male under 30 team inelnaa Lalthla-muanpuia, Daniel Lalhumthanga leh H. Vanlalfelate tanghoin an lak a ni a; national champion ni tur hian state 35 leh central service parukte an paltlang a, anmahni hnaih bertu Services (SSCB) hian point 7.05 an hmuh laiin Mizoram team hian point 7.16 hmuin hneh takin an champion a, a vawithum-na’n India champion an ni.
Silver medal hi poomsae under 30 pair leh female over 30 team inelnaa an lak a ni a; under 30 pair-ah hian Daniel Lalhum-thanga leh Vanlalhmangaihzualite tangdun chuan final round-ah Mizoram elpui ber Arunachal Pradesh pair nen point 6.05 ve ve hmuin an in draw a, deciding-ah presentation hmanga en leh niin, vannei zawkah Arunchal tangin, Mizoram pahnihna an ni ta a ni.
Silver medal pakhat zawk hi poomsae over 30 female huang kaltlanga Doris Lalhmangaihzuali, Lalsangzuali leh Teresa Lalhruai-tluangite tangho lak a ni. Finalist dang SSB chu point 0.52 chauha pha loin pahnihnaah an tawp.
Bronze medal hi individual poomsae-a champion lai Lalthla-muanpuia lak niin, final round-ah chesualin bronze a la hram a ni.
Lalrinngeti Sailo chuan kyoru-gi under 53kg huangah Punjab, Gujarat leh Tamil Nadu aiawh theuh a hneh hnuin semi-final bout-ah Karnataka mi chu 1-2-in a hneh ta lo a, bronze a lungawipui a ngai.
Senior National Champion-ship-a medal an lak avang hian kumin November thlaa Goa lama National nghah turah Mizoram team chu category parukah an tling chiang ta a, top 8 chin tling tur an nih avangin hei aia tam tlin beisei a la ni bawk.
39th National Taekwondo Championship-ah hian state/UT 35 bakah central service team paruk an tel a, Mizoram team-ah hian kyorugi player 10 leh poomsae player 12 an awm.