Parliament staff te uniform-ah lotus chhutkai duh lo

Congress te chuan September 12 khan BJP te chu ‘Parliament sirkhat chauha kalpui’ tumah puhin ruling party symbol lotus chu Parliament staff te uniform tharah chhutkai a ni tiin an sawi.
Lok Sabha-a Congress whip Manickam Tagore chuan eng vangin nge sakei emaw arawn national animal leh national bird aia lotus chu dah a nih tiin zawhna a siam a.
“Eng vangin nge lotus chauh? Eng vangin nge arawn emaw sakei emaw an dah mai loh? BJP party election symbol a nih loh vang em ni? Heti tak hian a ni maw kan tlakhniam OM Birla?” tiin Tagore chuan zawhna a siam zui a ni.
Media te chuan Parliament staff te chuan dress code thar nei dawnin chutah chuan lotus a inchhukai tiin an sawi a.
“Eng vangin nge sorkarin staff dress ah Sakei lem a chhutkai mai loh, sakei chu national animal a ni a. Eng vangin nge national bird arawn chu an chhutkai mai loh? Parliament staff te dress code a lotus an chhutkai nachhan chu BJP symbol a nih vang a ni,” tiin Tagore chuan a sawi.
“An va che ho em em ve. G20 ah mawi lo takin an che tawh a. Tunah pawh chutiang bawka hma lain national flower a ni an ti leh tawh a. BJP te hi puitling mawlh se la, Parliament hi pakhat chauh ta a ni lo tih hre teh se,” tiin a sawi bawk.
“Parliament hi party tin chunga awm a ni a. BJP te hian an institution angah ngaiin chet an la a, a vanduaithlak takzet a ni” tiin Lok Sabha a Congress whip Manickam Tagore chuan a sawi.