Nipah Virus Kerala-ah hmuchhuak leh

Kerala chuan tunkarah natna hlauhawm tak Nipah virus leng avangin school thenkhat a khar hial a. Nipah virus avang hian mi pahnihin nunna chan tawhin Kerala-ah tum li a len darhna a ni tawh.
Nipah virus hi kum 1998 khan Malaysia leh Singapore a pig farmer teah hmuhchhuah hmasak ber a ni a.
Bak leh vawk atanga mihringin tawh palh pawha inkaichhawn mai theih niin chu chu a hlauhawm em em na a ni bawk a.
He natna tihdamna emaw invenna a la awm lo va ngaih a ni a, a vei tawh te chu 70% velin an thih phah ngei anga ngaih niin enkawlna awm chhun chu supportive care pek a ni mai chauh bawk.
A tirah chuan khawsik, respiratory distress, lu na, leh luak in a intan thin a. A la na deuhah chuan encephalitis leh kaih te pawh thlen theiin nikhaw hre lovin a siam thei thin bawk.
Nipah virus hi WHO research and development list of pathogens a telh niin inkaichhawn nasat theiha sawilan zinga tel a ni.
Kum 1998-a Malaysia leh Singapore a len vak tum khan mi 100 chuangin nunna chanin mi 300 velin an kai hman a. Khata tang khan hmun tam takah leng darh tawhin a kai tawh 72% atanga 86% velin an thih phah tawh a ni.
Kum 1998 atanga 2015 thlengin WHO data-a a lan dan chuan Nipah virus kai 600 cases a awm tawh a ni.
India ramah kum 2001 khan leng tawhin Bangladesh-ah pawh lengin nunna chan 62 leh 91 an awm a ni.
Kum 2018 khan Kerala-ah leng lehin nunna chan 21 an awm a, kum 2019 leh 2021 khan a leng tawh bawk.