SC in ‘constitutional religion’ hnawl

Supreme Court chuan Thawh\anni khan India ramah ‘constitutional religion’ pakhat chauh awm rawh se tia ngenna chu hnawlin peititioner chu miin an duh sakhua an biak leh zui theihna chu a dang thei em ni a ti zui.
Bench of justices Sanjay Kishan Kaul leh Sudhanshu Dhulia te chuan peitioner chu khawi a\angin nge hetiang ngaihdan hi a neih tiin an zawt bawk a.
“Constitutional religion pakhat chauh awm se i ti a. Miten an duh sakhua an zui theihna i dang thei em ni? Hei hei eng nge ni reng reng?” tiin Bench chuan amah inlan (Peitioners-in-person) chu a zawt a ni.
Petitioners-in-person hi mimal lawyer ni lo registrar in court a inlan phalna a pek an ni a. He petition hi Mukesh Kumar leh Mukesh Manveer Singh te thehluh a ni a.
“Hei hi eng nge ni? He petition hmang hian eng nge duh in neih?” tiin bench chuan zawhna a zawt zui a.
Petitioner chuan social activist a nih thu sawiin India mipui ‘one constitutional religion’ duhtute aiawhin Article 32 of the Constitution hnuaiah public interest litigation a thehlut a ni tiin a sawi a.
“Eng behchhanin nge i thehluh?” tiin court chuan a zawt zui a. Petitioner chuan constitutional order of 1950 chu nuaibo a duh tia sawiin mahse eng constitutional order ber nge a sawi fak chuang lo va. Court chuan a dilna chu a hnawlsak zui ta a ni.
Article 32 of the Constitution chuan India ram khua leh tui te chu an fundamental rights te bawhchhiata a awm a nih chuan Supreme Court-a an zualko theihna a siam a ni.