Naborno-Karabakh la fel tawh ti

Azerbaijan president chuan an ram chuan Nagorno-Karabakh chu an thunun fel tak thu sawiin Ilham Aliyev chaun Karabakh force-te an inpek hnuah Azerbaijan army-te huaisenna chu a fak.
South Caucasus-ah hian ethinc Armenian 120,000 vel an cheng a, mahse khawvel chuan Azerbaijan ram anga a hriat a ni thung. Azerbaijan chuan Nagorno-Karabakh hi tunah chuan engkimah a thuhnuaiah dah a tum ta a ni.
Thawhlehni khan Azebaijan chuan ‘anti-terror’ campaign kalpuiin Karabakh force-te chuan white flag vaiin an ‘illegal regime’ chu thiah an remti tia sawi a ni a. |henawm Armenia ramin a tanpui zui tak loh bawk avangin thla kua zet danchah an nih hnuah an tlawm ta a ni tia sawi a ni.
Armenian official-te chuan mi 32 in nunna an chan a, chung zinga pasarih chu civilian tia sawiin hliam tuar 200 an awm a ti bawk a. Mahse, Armenian human rights official-te chuan mi 200 chuangin nunna chanin mi 400 chuangin hliam an tuar bawk tiin a sawi lang thung.
Nilaini khan Armenian official-te chuan Sotk border bulah Azerbaijan sipaite chuan silai an hmetpuak tiin an sawi a, mahse hei hi Azerbaijan chuan a pha thung.
Armenian capital Yerevan-ah chuan mi sang tam tak pungkhawmin Prime Minister Nikol Pashinyan chu bang turin an nawr thung a ni.
Azerbaijan army-te chuan Russian peacekeeper tena remna an siam hmain ethnic Armenian-te hmun 90 lai an chhuhsak hman tiin an sawi bawk.
Inkahhai siam lailawkah Azerbaijan leh Russia peacekeeper anga awmte pawh telin inremna ang chuan Karabakh force-te chuan an ralthuamte an tung vek tur a ni tih a ni.
Azerbaijan presidency chuan Karabakh Aremnian aiawhte chu an hmuh tur thu sawiin Yevlakh khuaah ‘re-integration chungchang an sawiho ang’ tiin a sawi a. President Aliyev chuan Azerbaijanis-te chuan mipuite huatna an nei lova ‘criminal junta’ te chauh an duh lo tiin a sawi.
Yevlakh hi Karabakh regional capital Khankendi atanga 100km vela hlaa awm niin Aremanian-te chuan Stepanakert tiin an sawi thung.
Soviet Union kehchhiat hnu atang khan Armenia leh a thenawm Azerbaijan-te chuan Nagorno-Karabkah avangin tum hnih indona an nei tawh a ni.
Kum 2020 khan kar ruk indona an kalpuiah sipai sang chuangin nunna an chan phah a. Azerbaijan hi Turkey-in a thlawp tlat niin hei avng hian Armenian-te tan chet a har em em bawk.
Tun hnai thla kaw chhungin Azerbaijan chuan Armenia atanga Karabakh panna awm chhun kawngpui Lachin Corridor tih chu a dang chat tlat a. Hei vang hian ethnic Aremnian-te chuan ei leh bar, damdawi leh nitin mamawhah harsatna nasa tak an tawh thu an sawi.
Tun hnaiah tanpuina pekluh tlem tlem phal a ni chungin Karabakh Armenian-te chuan hun rei tak danchah an nih tawh avangin harsatna nasa tak tawkin an chau tawh tiin an sawi bawk.
Kum 2020-a inkahhai enfiaha kengkawh turin Russia chuan peacekeeper 2,000 a dah a. Mahse Ukraine indona avangin Russia chuan a hnuchhawn lo thei lo a ni.
Nikum May thla khan Armenian prime minister chuan an ram chuan ethnic Aremnian-te himna tiam an nih chuan Karabakh chu Azerbaijan ramah an chhal phal tur thu a lo sawi tawh bawk.