Meth leh heroin man

Excise & Narcotics Department chuan September 22 Myanmar atanga lak ruihhlo – methamphetamine leh heroin an man.
September 22 zan dar 8.00 khan Saitual daiah Methamphetamine tablet nuai hnih (kg 20.300) an man. Myanmar atanga lak, state pawna hralh tum heng ruihhlo neitua puh mi pahnih – Prasanjit Nama (24) leh Subrata Sarkar (29) West Tripura district, Tripura-a khawsa nia inchhalte chu manin, a phurhna atana an hman Mahindra XUV 300 car thar (registration number la nei lo) pawh an hrensak a. He car-ah hian methamphetamine thuhrukna tur an lo siamchawp a ni.
Excise & Narcotics Department leh CADS Central YMA thawkdun pawhin September 22 vek khan hmun hnihah heroin gram 52 leh a neitu nia puh mi pahnih an man bawk.
Ruihhlo vanga mante hi ND&PS Act tlawhchhanin thubuai siamsak an ni.