Party pahnih leader-te anmahni ah duh lotu tam – Lalruatkima

Party pahnih leader-te chu anmahni chhungah duh lo tu an tam avangin an buai ve ve tih MNF adviser Lalruatkima chuan a sawi.
Thawhlehnia MNF Tuikual South Unit II huaihawt inkhawm a hmanpuinaah Aizawl West-II bialtu MLA, minister Lalruatkima chuan party pahnihte an leader-ah an buai ve ve a, duh lotu an tam hle laiin, an ni chu Pu Zoramthanga hruaina hnuaiah lungrual takin nationalism meichher chhi chungin hmalam an pan mek tih a sawi. “Kan hma maiah kan inthlang dawn a, Pathian hian min hruai zel a, kan sawrkar leh ang tih hi ka ring hmak a ni,” a ti.
ZPM chu candidate an thlak an thlak a, dam that loh pawh ngamawm loh khawpin an inthlak nasa tih a sawi. “An leader-ah an buai a. An chhungkua an buai em em a, thil theih loh, duhthusam mai an zuar nasa a, mipui an harh mek a ni,” a ti.
MNF hruaitute chu ram leh hnam tana nunna hlana thi ngam an ni tih MNF adviser hian a sawi a. Mahni hnam tana thih ngam lupua zalenna sual tawhte chu khawvelin an dah hniam ngai loa, an ngai sang em em tih a sawi. “Sawrkar dang leh sawrkar laipui dawr kawngah pawh zah a kai em em a; kan ram, kan hnam leh sakhua a him hi MNF dinchhan leh thil tum bulpui ber a ni,” a ti.