Motegi tlankawng huhah Jorge Martin dingchang
Pathianni khan Japan rama tlankawng hriat hlawh Motegi circuit-ah MotoGP season kal laia race 20 awm tura a vawi 14-na tlanin, ruahsur nasa hnuaia tlan Japanese MotoGP-ah Spaniard rider Jorge Martin a chak ber a, world champion-ship standing-ah pahnihna luahin, hmahruaitu Fran-cesco Bagnaia nen point thum chiahin an inthlau.
Khuain a bumro Japa-nese MotoGP hi 24-lap race tur a nih laiin lap 12-ah ruah vangin tihtawp a ngai a, Pramac Racing rider Martin a chak ber.
Pole position a luahna kawngah Jorge Martin hian Motegi circuit-ah lap record thar siamin, Inrinni sprint race-ah hnehna a chang bawk a; Pathianni intlansiakah tlan zat tur chanve an tlan tlin hnuah ruah sur nasa avangin red-flag vai a ni a, chutih laia hmahruaitu Martin chuan Japanese MotoGP-ah hnehna changin, Ducati rider leh championship leader ni bawk Bagnaia chu pahnihna a ni a; pathumna luahtu chu Honda rider Marc Marquez a ni thung.
Lap khatna an tlan atangin ruah a sur tan a, chu chuan white flag a hringchhuak phawt a, he flag hnuaiah rider tinte chu khaw awmdan nena inmil an tih ber bike thlang thei tura phalsak an ni.
A tir lamah tihsual nei mah se Martin chuan a hmahruaina changlet leh theiin, na fua a team-mate Johann Zarco a chetsual thlengin hma a hruai a, red flag hmuh tur awm zui chuan a hmahruaina a tisukuk.
Race director rualin grand prix tlan chhunzawm turin thu titlu mah se rider-te’n warm-up lap an tlan laiin red flag bawk vaikhum an ni leh a, full points anga chhiar a ni zui ta a ni.
Hnehna changtu Pramac Ducati rider Martin chuan, “Vawiin hian result ropui chan tum sa ve reng ka ni a, mahse, a tir lam khan tlankawng pawnah ka tlanchhuak a, chuti chungin ka dinhmun ngai ka luahkir leh thei a, ka boruak a fuh tlat avangin ka hmaa mite ka lehpel leh thei a ni.
“Vanneihthlaktakin, kan tlan fuh loh avanga na an awm lo a, tlankawng zawh zui zel tura beih erawh a hlauhawm duh fia fia khawp mai,” a ti.
MotoGP championship kal laiah vawiruk tlan tur la awmin, October ni 15 khian Indonesia lamah an tlan leh ang.