October ni 1-ah India ram pumah faina hnatlang (nationwide cleanliness drive) neih tur tih a ni a, he ni hi Chawlhni a nih avangin Mizoramah chuan hnatlang an awm lo. Mi rual lovin a tuk Thawh\anni-ah an hnatlang. Aizawl khawpuiah chuan Thawhtanni khan local council leh tlawmngai pawlte an hnatlang a, hmun dangah VC leh tlawmngai pawlte an hnatlang.
UD&PA department hotute chuan Chawlhni a nih avangin Mizoramah hnatlan hi a rem ve lo a, chu chu sorkar laipui lam pawhin a hria a, video conferencing-ah pawh Mizoram aiawha telte’n an sawi a, an hriatthiampui tih an sawi.
Mizoram Kohhran Hruaitute Committee te’n kar hmasa Ningani khan chief minister hnenah hnatlang hi Chawlhni ni lo ni danga neih ni se tiin an thlen a, chief minister hian a pawmpui thuin a lo chhang. Central YMA pawhin Chawlhni-a hnatlan hi an duh lo. Chumi hnuah Mizoramah chuan Thawhtanni-a hnatlan tur tih a ni ta a ni.
UD&PA department chuan hemi chungchangah hian circular an chhuah a, October ni 1 chu Chawlhni a nih avangin kohhran member-te tan faina hnatlang neih a rem tih lo tih sawiin, “Chuvangin kohhran member-te tel vek theih nan a tuk October ni 2, 2023-ah faina beihpui thlak hi kalpui tura ruahmanna siam a ni,” an ti.
October ni 2-a Mizoram hmun hrang hranga hnatlang hi Faina Hapta intanna a ni dawn tih an sawi bawk.
Chawlhni-ah hnatlang lo, mi rual lovin a tukah hnatlang
Get real time updates directly on you device, subscribe now.
Prev Post
Next Post