Ed Sheeran-a’n a thlan tur siam lawk

GQ magazine-in an kawmnaah Ed Sheeran chuan a in hnunglamah a thih huna an phumna tur, a thlan atana a duam sa a neih thu a sawi a, “Lei laih khuar sa, a chunga lung inphun a ni a, ka thihna ni a lo thlen hunah chutah chuan min zalh mai dawn a ni,” a ti.
Ed Sheeran chuan hetiang a thlan tur a nei sa hi mi\henkhatin mak an ti tih a hai lo va, “Miten mak leh dangdai an ti viau mai a, mahse, ka \hian \henkhat, thurochiah engmah hnut chhiah lo va thi ta, an thih hnuah engtia tih tur nge tih an hriat mai theih loh hi an awm nual tawh a ni,” a ti bawk.
A thlan tur hi chu nakin hun tur lam thil a ni a, tunah chuan Sheeran hian a album thar ‘Autumn Variation’ a tlangzarh hlim deuh hlawl a ni a, he album hi September ni 29 khan tlangzarh a, karleh Billboard chart-ah pawh a thleng sangin ngeiin a rinawm.