Mini Theatre hawng

Mizoram Film Forum-in Dinthar Venga Aizawl Mini-Theatre an siam chu nimin khan I&PR minister Lalruatkima’n a hawng.
Minister chuan I&PR department kaltlanga arts, films leh photography tihhmawnna hrang hrang sawiin, film chu khawvel huapah pawh industry lian, a tuimite tan eizawnna tling a nih theih avangin sawrkar chuan remchanna siam zel a tum tih a sawi .
Aizawl deputy mayor R Thanglura pawhin sawrkar hna in mi zawng zawng a dawl zawh loh thu leh, eizawnna tur kawng dang tha tak tak a awm thu a sawi a. Mizo zingah film industry atanga sum lalut an awm ve ta zel chu lawmawm a tih thu a sawi.