Pathian ruat nia inngai tan bial awl a la tam – Zoram Thar

On Oct 12, 2023 14 0

Zoram Thar din turin Lalpa Chhiahhlawh Intelkhawm chuan kumin MLA inthlanpuiah bial 18-a ding tur candidate an puan bakah Pathian ruat nia inngaite tan bial awl a la tam thu an sawi.
Zoram Thar ziaktu lian Lalruatfeli Hlondo chuan Pathianin Mizoramah a lalram sawrkar din a tum tih sawiin, an ni chu Lalpa chhiahhlawh mai an ni tih a sawi. Pathian lalram sawrkar a din theih nan leh bial dangah Lalpa chhiahhlawh an din zel theih nan tawngtaina in hma an la mek tih a sawi a ni.
Nomination file theih ni tawp ber, October 20 thleng Lalpa tana ding ngam candidate tur an la awm belh zel dawn tih a sawi bawk.
Zoram Thar hruaitu Rev. Zaichhawna Hlondo chuan Lalpa Chhiahhlawh Intelkhawm chuan “Jehova Jire (Lalpa tlangah hmuh a ni ang” tih chu an innghahna ber a ni, tiin, tun dinhmunah party dang chief ministerial candidate-te biala ding tur an la awm loh avangin an ziaktu lian Lalruatfeli Hlondo nen bial hnihah din an tum tih a sawi a. Lalpa Chhiahhlawm Intelkhawm ni mah se, party an nih loh avangin independent-a an din tur thu sawiin, “Pathian ruat nia inngai candidate turte chu kan la welcome reng a ni,” a ti.

MLA inthlana Lalpa Chhiahhlawm Intelkhawm tana ‘bawm hung’ (candidate)
tur leh an dinna tur bial (Assembly constituency) chu:

1. Rev. Dr. Zaichhawna Hlawndo (Chaltlang Lily Veng) – Hrangturzo & Serchhip
2. Lalruatfeli Hlawndo (Chaltlang Lily Veng) – Aizawl North 1 & Aizawl East 1
3. Upa K. Lalrimawia (Zote) – Lunglei North
4. Upa H Biaklawma (ITI Veng) – Aizawl South-II
5. T. Upa ZD Dengngura (Lawngtlai) – Lunglei South
6. Phirthianga (Bungtlang South) – Siaha
7. K. Laldingliana (Tuikual North) – Aizawl West-II
8. Zonunsanga (Pehlawn) – Tuivawl
9. Biakchhunga Chinzah (Lawngtlai) – Lawngtlai West
10. Vanlalvena (Hunthar Veng) – Aizawl North-III
11. Vanlalnghaka (Saipum) – Serlui
12. Lalrinpuii Ralte (Chaltlang) – Aizawl North-II
13. Lalramdingngheti (West Phaileng) – Dampa
14. Agnes Vanlalhmunsiami (Khawzawl) – Tuichang
15. Sapchhawna (Selesih) – Tawi
16. Rothuama (Ramthar North) – Aizawl South-I