Rajasthan inthlan hun tur EC-in thlak

Election Commission of India (ECI) chuan October 11 khan Rajasthan Assembly election polling dtae chu a thlak danglam a. A tira inthlan hun atana a ruat November 23 chu November 25-ah a sawn a ni.
Notification tihchhuahah inthlan hun an sawn chhan chu political party leh social group hrang hrangte ngen vang a ti a. “Commission chuan political party hrang hrang, social organisation hrang hrang te bakah media platform hrang hranga harsatna awm thei tarlan te chu ngaihtuahin mi tam tak tan hun remchang lovah a ngai a, inthlana vote tla pawh a tlem thei phahah a ngai a ni,” tiin a sawi a.
“Commission chuan ngun taka a ngaihtuah hnuah inthlan hun chu 23 November atangin 25 November-ah a sawn ta zawk a ni,” tiin a tarlang bawk.
Vote chhiar hun December 3 tih erawh thlak danglamin a awm lo thung a.
ECI chuan October 9 khan Rajasthan mai bakah Assembly poll dang pali inthlan hun tur puanna a nei a.
Chhattisgarh chu inthlan thawh hniha hmachhawn tur awm chhun niin November 7 leh November 17 ah a hmachhawn ang a. A thawhkhatnaah Assembly constituency 90 awm atanga 20 in vote an tlak ang a, a thawh hinhnaah a dang zawngin vote an thlak ve thung ang.
Assembly seat 40 awmna Mizoram chuan November 7 ah inthlan a hmachhawn thung ang a. Assembly member 230 awmna Madhya Pradesh chuan November 17 ah inthlanna an nei thung ang.