Bad Bunny ‘Nadia Sabe Lo Que Va a Pasar Manana’-in Spotify record siam

Puerto Rican superstar Bad Bunny huhang hi kumin na na na chu a na tlat. Spotify-ah record a siam deuh fo mai a, kum thum chhung chu he streaming platform-a zaithiam stream nasat ber a ni tawh a, tunah a album thar ‘Nadie Sabe Lo Que Va a Pasar Mañana’ a tlangzarh a, kumina ni khat thil thu a album stream nasat ber record a siam leh ta a, Spotify social account-ah chuan, “Bad Bunny hian he album thar hian record a siam kan ring sa kha a nia. Congrats Benito,” an ti kalh e.
He album, hla 22 awmna hming hi a sap tawng chuan “Nobody Knows What Is Going to Happen Tomorrow” tihna a ni a, October ni 13 khan a tlangzarh a, a solo studio album pangana a ni a, nikuma a album ‘Un Verano Sin Ti’ hnua album a tlangzarh leh hmasak ber niin, kha album khan Billboard 200 (albums) chart-ah kar 13 chhung No.1 dinhmun a hauh thei a, Spanish hla hlang awmna album Billboard 200 chart-a No.1 thei hmasa ber a ni bawk.