Bachchan chhungkua an buai em ni?

Aishwarya Rai Bachchan chuan a pasal Abhishek Bachchan-a pa, Amitabh Bachchan-a kum 81 tlin champha puala Instagram-a thlalak a post-ah chhungkaw nu ber Jaya Bachchan tilang tel lovin a ‘crop’ daih mai a, a hnu lawkah he thlalak hi a pumin, Jaya Bachchan lang tel ngeiin Navya Naveli Nanda-i’n a post zui ve leh nghal sak a ni.
Amitabh-a fanu Navya hian a Instagram-ah thlalak hi post-in, “Hmangaihnain hual vel reng che rawh se,” tiin a caption-ah a dah a, heart emoji dum a dah tel bawk. Hetiang boruak karah hian hman deuha ‘Koffee with Karan’ show-a Navya a inlan tuma, Aishwarya Rai nungchanga a ngaihtheih loh a sawina video clip te pawh a darh thar leh a. Hemi tum hian Navya chuan Aishwarya che muang thin lutuk chu a ei loh ber niin a sawi a, “Min call let emaw message chhan emaw te pawh a ti tawh dawn lo emaw tih hnuah a rawn ti chauh thin,” a ti.
He thlalak Aish-i’n a post-ah hian a fanu, Amitabh-a tunu ni bawk Aaradhya Bachchan leh Amitabh inkuah lai a ni a, mahse, he thlalak hi a original Navya-i’n a post-ah chuan Jaya Bachchan leh Navya bakah Agastya Nanda te pawh an lang.