Synod PPF zawmtu 1160

Mizoram Synod hnuaia thawktute tana Pension & Provident Fund (PPF) ruahman chu thawktu 1160 in an zawm tawh.
Thawhtannia Synod Pension & Provident Fund (PPF) Board thutkhawm vawi 234-naa report a nih danin, PPF hnuaia pension la mek mi 647 (pensioner 504 + family pension 143) an ni a, PPF zawmtu zawng zawng hi mi 1160 an ni. Kum 2015 atanga hman tan Synod New Pension zawmtu zawng zawng chu mi 1875 an ni thung.
Thutkhawm hi Synod moderator Rev Dr C Chawnghmingliana’n a kaihruai a, PPF Board-ah hian moderator, secretary leh senior executive secretary-te bakah Synod pensioner atangin pension lama dan thiam mi pathum an tel a, Synod-a thawk ni lo PPF dan thiam mi pathum an tel bawk. Department lian paruka thawktu aiawh pakhat theuh an tel a, Ruaitu Department lian paruk aiawh pakhat theuh an tel bawk.