Hmeichhe tana chaw tha
Slim zeih zawih, naupan hmel tak, hrisel bawk si nih i duh em, hmeichhe tana chaw tha bik ni a Times Of India health section-in a tarlan te kan rawn chhawp chhuak e:
1. Yoghurt: Bawnghnute tihchhiat, dahi kan tih ang hi a ni a, bawnghnu khar tel lohna dahi-ah hian calcium a tam a, chu chu osteoporosis risk tihniamtu a ni a. Yoghurt hian hnute cancer tur pawh a veng thei niin an sawi a, hmeichhe natna tlanglawn tak -tai na leh pum lam fel lo tan pawh a tha hle a, pum ulcer leh vaginal infection risk te pawh a tihniam thei niin an sawi. |hat pui tur khawp chuan nitin bowl khat ei ziah tur a ni.
2. Sangha: Sangha-ah hian Omega-3 fatty acids atam a, a bikin salmon, sardines, tuna leh mackerel-ah te a tam zual. Hei hian naupai tur indanna (contraceptive pills) hman nasat vanga thisen khal insiam theihna risk a tihniam. Omega-3 hi naupai lai leh hnute pe lai tan a tha hle a a ni. Nau neih zawh hnuah pawh postpartum depression risk tihniamtu niin, serotonin level a tisang thei a ni. Kar khatah tum 3 tal chawhmeh pui bera hman theih a tha hle.
3. Beans: Be lam chi hian cholesterol an pai tlem a, chutih rualin protein leh fibre an pai hnem hle. Bean hian lunglam natna leh hnute cancer risk a tihniam niin an sawi a, hmeichhe tan colon cancer risk pawh a tihniam niin an sawi bawk. Bean hi hmeichhe thihul tur tan pawh a tha hle a ni. Kar khatah vawi 4 vel tal hmeh tur a ni.
4. Thingfanghma: Potassium leh vitamin C a pai hnem a, US Department of Health and Human Service chuan mipa aiin hmeichhe tan phinga lungte awm (gallsrone) risk a sang zawk niin an sawi a, thingfanghma hi hetiang risk tihniamtu niin an sawi. Mahse, naupai lai tan chuan thingfanghma hi ei loh tur a ni- contraceptive anga a thawh theih vangin nau chhiat phah theihna a ni.
5. Tomato: Tomato chu anti-oxidant chak tak a ni a, lycopene a pai hnem a, chu chu hnite cancer vengtu tha tak a ni. Lycopene hi vun tan a tha a, mi ti langnaupang theitu a ni pawh. Nitin tomato pum khat tal ei tur a ni.
6. Strawberry: Wine ang bawkin strawberry leh berries lam chi te hi anti-carcinogenic nutrient an ni a, anthocyans a pai hnem a, chu chu cell siamtha tu a ni. Vitamin C leh folic acid a pai hnem a, chu chu naupai lai tan a tha hle a ni. Hmeichhe zungkawng fel lo tan pawh a tha hle. Kar khatah vawi 3-4 vel tal ei tur a ni.