Hamas ten Israel that turin tumah tilo

Hamas thupuangtu leh Gaza-a Deputy Foreign Minister ni bawk Ghazi chuan BBC interview-naa a sawi danin Hamas ten Israel ramri an beih khan mipui pawisawilo that turin tumah thu an pekloh thu a sawi.
Hamas thuneitu te sawi dan hian a taka October ni 7-a thil thleng a rawn kalh chiah a, Hamas hote chu parachute hmangin Israel ram chhungah an uai thlaa, an music festival suasam nghalin mi 260 an that a midang tamtak an tihthaih a ni.
He beihna ah hian video clips leh thlalak te atanga a lan danin nasa taka mihring suasam an ni a, Israel mi te chu an mahni khum ah te thah niin an taksa thisen kai hnuang te chu tawih ral vel mai mai tura kalsan an ni.
He thu hi sawi belhin Hamas te chuan BBC hnenah inbeihna area hi a zau tham em avangin inbeih tawnna thlengin kan inthat tawn a ni, tiin an sawi a ni.
BBC palai chuan kha kha inbeih tawnna nilo in Hamas te khan Israel in run thut in an muhil lai an that a ni tiin a sawi ve thung a. Hamad chuan, “Mipui pawisawilo thah hi kan tumlo reng reng tih hi ka hrilh thei che u a ni” tiin. October 7-a Israel beih a nih leh hemi avanga Hamas ten an beih zelna avangin nunna 1,400 lai lak niin mi 200 lai mai chu hren beh zui an ni bawk a.
Hemi thungrulh nan hian Israel chuan lei lam atanga a beih hma leh a inbuatsaih nan thlawhna atangin Gaza chu a kap hmasa a ni. Palestinian sorkar-a health officials te chuan inbeihna a chhuah atang hian Gaza-ah mipui 7,000 laiin nunna an chan tawh thu an sawi a ni.