Engvangin nge a then che?

Engvangin nge a then che?
I inrin loh laiin a then thut che a, eng nge a chhan i hre lo. Chutiang chu thil thleng ve fo a ni. |ha takin in awm emaw i ti a, mahse, thawklehkhatah a rawn thleng thut a, “Nangmah vang a ni lo, keimah zawk hi a ni,” a tih pawhun, inthen a duh chhan dik tak chu ‘nangmah’ vang kha a nih hmel tlat.
Psychologist Seema Hingorrany leh Deepti Makhija te chuan hetianga ngaihzawng ten inthen an duh mai theihna chhan niawma an sawi te kan rawn tarlang e.
1. Dik ber niin i inhria a, engkimah i duh danin thil i kalpui thin. A incheina thlenga thuneih i tum a, chutiangin a thian kawm thin te pawh i thik deuh tlat thin. Ama zalenna chu i rap bet a, i duh dana nun tir i tum a ni. Chuvang chuan inthen mai a duh zawk a ni thei.
2. I zar buai lutk vang pawh a ni thei. A bula awm reng theih i duh vangin i thiante pawh i thlah ta vek a, a hnathawh laiin i call deuh reng a, i email leh text-te chhang reng rengin a hun tam tak a hman a ngai. Engmah i sawi sel lova, i hnial ngai lo, a thu i zawm a, i zui duan duan thin. Chutiang i nih chuan atan bungraw pakhat ang chauh i ni a, nin hun a nei thuai mai thin.
3. Hmeichhia te chuan an mipa rin zawng, an harsatna leh lungngaihna te an hrilh theih tur an mamawh thin. Chutiang a nih laia nang (mipa) zawkin i harsatna leh hrehawmna te i hrilh zawk reng a, amah (hmeichhia) zawkin a hnem reng che a ngai a nih chuan, reiloteah puitling tawk lo leh naupangchhia, hnem reng ngai angah a ngai thuai ang che. Chumi hnuah chuan kalsan dan tur che a ngaihtuah tawh ang.
4. Mahni taksa vawn fai kawngah i che tha tawk lo a ni mai thei. I ka chhung a rimtui lova, mi zingah irh uk uk i ching a, i thil ei dan a mawi tehchiam lo, i zak hnuai a rimchhe tel lehnghal. Chutiang chu i awm dan a nih chuan a then che a nih pawhin mak ti lem suh.
5. Mahni inrintawkna i tlakchham vang pawh a ni thei. Mahni inrintawkna hi min ti lang hmelthatu a ni ve tlat. Hmeltha ti a han phulpui hlut tur chi i lo maithei, mahse, mahni inrintawkna neite chuan anni aia hmeltha tak tak an chhai thlu thei tlat. A engmah hmaa phulo riaua i inhriat a, nangmah i indah hnuai zawk tlat reng chuan, ani pawhin a hmu hniam thuai ang che.
6. A duh tak tak loh vang che pawh a ni thei. Inhlim dun har har thin viau pawh a ni mahna, mahse, a rilru chhungril tak tak i pawh pha lo a ni maithei. In music ngaihthlak duh zawng, film en chak zawng leh ei duh zawng te an inpersan viau a ni thei. In pahnihah khan inanna zawn chiam pawhin hmuh tur a vang riau em? Nangmah hriatchian lehzual tumin hma a la em? A duh tak tak loh vang chein a then che a ni thei. Mahse, lungngai reng reng suh, a dawtlehah chuan i vannei deuh tawh mai thei a nia.