US Navy hotu lu ber atan Lisa Franchetti
Ningani-ah US Senate member Republican Sen.Tommy Tuberville chuan US Navy- hotu lu ber turte atana hming chhawpchhuah mi pahnih te hming a sawi chhuak a, pakhat zawk chu a vawi khatna atana hmeichhia Joint Chiefs of Staff member Adm.Lisa Franchetti a ni.
Adm. Lisa Franchetti hian vote 95 – 1 hmuin US Navy hotu lu ber hna chelh tur leh hmeichhia Pentagon-a a hmasa ber atana he hna chelh thei awm chhun a la ni a, US Air Force lama Joint Chiefs of Staff hna thar chelh ve turin 95 – 1 bawka vote hmu-in Gen.David Allvin chu pawmpui a ni bawk. Senate chuan nilaithawhtan chawhnu lam khan Lt.Gen.Christopher Mahoney chu assisstant commandant, US Marine Corps atan an ruat zui nghal tura ngaih a ni bawk.
A vawi khat nana hmeichhia US Navy-a hotu lu ber ni tura ruatna hmasak ber Franchetti chungchangah ngaihdan inrual lo awm deuh mahs e a aiawh tur midang chungah inlungruallohna a awm lian hlei hlei zawk a ni. Hetihlai hian US Chief of Air Force Gen. David Allvin hi Vice chief of Staff of the Air Force niin Chief of the Air Force hna hi a lo chelh lailawk reng tawh thin a. Allan hi mobility pilot hna lama awm niin darkar 4,600 aia tam boruak-ah a thlawk tawhin Afghannistan leh Europe vela hman rim ber te zing ami a lo ni tawh thin a ni. Allan hi nemngheh a nih chuan Mahoney chu US Marine Corps Assisstant Commandant tur atan a kaisang chho ve nghal dawn a, tun dinhmunah chuan Gen. Eric Smith-an he hna hi lo chelh rihin Mahoney hi damlohna thil avangin Washington-a a chenna inah enkawl mek a ni rih a ni.
Franchetti, Navy-a vice chief operation niin a hnuai ah operation chi hrang hrang te neih tawh niin sulhnu ropui tak tak a lo hnutchhiah nual tawh a ni. Khawmual-a ral beihnaa officer niin eng level pawh a lo kaihruai tawhin Korea-a US 6th Fleet leh US Naval Force te a lo kaihruai tawh a ni. US Navy-a admiral arsi pali bel thei hmeichhia pahnihna a ni a, hmelma lawng kap chhetu naval destroyer atan vawi duai lo a lo awm tawh a, aircraft carrier strike group commander ah te a lo awm tawh bawk a ni.