WTA Finals: Tlawm nei loa tlang Pegula

Hmeichhe tennis sea-son kharna WTA Finals singles khelh mekah group stage-a tlawm nei lo chungin Jessica Pegula chuan semi-final a lut chiang ta a; an khelh zawh loh nizana khelh chhun-zawm tura tih Aryna Sabalenka leh Elena Ry-bakina-te dinhmun erawh tarlan hman a ni lo.
American Pegula hi hard-court bika tour kal laiah kumin hian match 44 chak tawhin, he leilung khelmuala hnehna chang ngunber niin, WTA Finals-a semi-final lut hmasaber a ni pawh hi a awm hliah hliah a ni!
Fifth seed Pegula hian Cancun-a tournament kal mekah a zawna vawithum a chakna ni turin Greek Maria Sakkari lakah 6-3 6-2 hnehna a chang a; kum 29 mi tan tun hi season-ending tournament-a semi-final a luh vawikhatna niin, kum 2018-a thleng sang Sloane Stephens hnu lamah American zinga final four lut leh thei hmasaber a ni nghal.
Ningani khan Belaru-sian world number one Sabalenka chuan Kazakh-stan nula Rybakina laka 6-2 3-5-a hma a hruai laiin match tihtawp a ni a, nizan lamah an khelh bak hi chhunzawm lehin, a chak zawk zawkin Pe-gula hnungzuiin semi-final an lut ve leh ang.
Top seed Sabalenka hian WTA Finals kal meka final a luh hrim hrim chuan world number ranking a humhim ang a, No. 1 ni chungin kum a khar thei tawh ang.
Nizan inkhel dang result tarlan hman lohah Iga Swiatek leh Ons Jabeur intumin, Coco Gauff leh Marketa Vondrousova pawhin Chetumal Group atanga tlang tur chingfel turin khelmual an rap.