Champhai district-ah dar 4 thlengin P/S 75-ah zo hman

MLA inthlanpui neiha Champhai district-a assembly constituency pathum – Champhai North, Champhai South leh East Tuipuia polling station 84 ah tlai dar 4.00 thlengin polling station 75-in polling zo hmanin district pumah vote za zela 78.188 a tla tawh.
Thudawn danin, Champhai district ah hian vote thlak laiin boruak duhawm lo thleng a awm loa, polling station tinah Mizoram People’s Forum (MPF) Local Forum-te duty in, Constituency Forum leh District Forum hruaituten an vil reng a ni.
District election officer James Lalrinchhana chuan inthlan kalpui dan enfiahin Champhai khawpui chhunga polling station hrang hrang a tlawhkual a ni.
Tlai dar 4.00 a polling zawh hman lohna polling station 9 chu – Champhai North-ah Rabung leh Hmunhmeltha; Champhai South ah Kanan II, Bethel I, Bethel II, New Champhai leh Ruantlang; East Tuipui-ah Khuangleng leh Farkawn I te an ni.