Vitamin D tam berna- Bawnghnute

American ho ei leh inah chuan bawnghnute hi vitamin D an hmuhna langsar ber a ni a, vitamin D an mamawh zawng zawng 50% chu bawnghnute atanga an hmuh niin mithiam ten an sawi.
Mithiam ten American 16,000, kum 2 chin chunglamah zirchianna an nei a, an thil ei thin hrang hrang-a vitamin D awm dan an teh a, chuta tanga a lan dan chuan kan chaw ei thin zawng zawngah bawnghnute aia vitamin D tamna a awm lo niin an sawi a, naupang kum 2 leh kum 18 inkarah phei chuan an taksain vitamin D a mamawh ang zawng zawng hmun thuma thena hmun hnih chu bawnghnute atanga an hmuh a ni.
Keith Ayoob, dietician leh paediatric nutrition expert chuan, “Kan ei leh inah bawnghnute a tel loh chuan nutrient kan mamawh tawk- a bik takin vitamin D ka hmu thei lo a ni,” a ti.
Mahse, bawnghnuteah hian a khar kan ti mai hi ei tel loh tur niin an sawi a, bawnghnutea mawm leh thau awm te pawh ei tel loh tur niin an sawi.
Vitamin D chu ruh tichaktu a ni a, diabetes, hypertension leh lung lam natna hrang hrang te pawh a veng thei niin an sawi a, cancer thenkhat pawh a veng thei niin an sawi. Hei bakah hian taksain natna a dolet theihna (immune system) a tichak bawk a ni.
Mithiam te chuan nitin vitamin 400 IU kan mamawh niin an sawi a, chu chu bawnghnute (fat free or low fat) no li velah a awm nghal niin Federation of AMerican Societies for Experimental Biology (FASEB) chuan an sawi.
He zirchianna chungchang hi FASEB Journal-ah tarlan a ni.