An kawtkaiah Real Madrid chak

An kawtkaiah Real Madrid chak
Brazilian mihang pahnih Vinicius Jr leh Rodrygo goal hnih ve ve thun baka Dani Carvajal-a goal khat tihluh hmangin Inrinni zan Santiago Ber-nabeu inkhelah Spanish giants hian 5-1-in Valen-cia an sawp a, inkhel dangah hmahruaitu Gi-rona-in point thum bawk an ruh ve tho avangin Carlo Ancelotti team hian table-ah pahnihna an thawhsan zo lo.
Vinicius hi Valencia tan a hnawksak kal zel a, team pahnih inhma-chhawn hnuhnung vawi-kuaah goal ruk zet Valencia lamah a thun tling ta a ni.
Goal hmahruai hi minute thumna leka Carvajal thun niin, chawlhlawk dawnah Vinicius Jr chuan hnai set sawt atangin Rodrygo ball pek chu goal-ah a chantir a, half time-ah mualneitu team-in sihnih faiin hma an hruai phawt.
Second half tan atanga tuibur hmuam da pelh hlekah Vinicius bawk hian a goal hnihna tilut lehin, hei pawh hi Rodrygo siamsak leh bawk a ni.
An thah fel hlawt tihah goal hnih siam-chhuaktu Rodrygo chuan home team tan khung-belhin, minute ruk chiah awm tawhah a goal hnihna khung lehin, Valencia goalkeeper Giorgi Mamardashvili tihsual atanga a goal tihluh kha Georgian ven goal-a tumnga goal a thunna chiah a ni.
Minute 88-ah Hugo Duro chuan Valencia goal neihchhun tilut ve bauhin, Hugo Gonzalez-a siamsak a ni.
He inkhelah hian tunhnaia a dar tina England midfielder Jude Bellingham chu bench lamah pawh hmuh tur a la awm lo.