BP sang tan thingpui a tha

Nitin thingpuisen hang no 8 inziah la, chu chuan blood pressure a tihniam a, lung (heart) lam risk pawh a tihniam niin Australian scientist-ten an sawi.
University of Western Australia-a mithiam ten zirchianna neiin, zirchianna atan hian BP normal leh BP sang te an in-volunteer a. Chung ho chu thil in tur an pe a, an in turah chuan plant chemical polyphenols 429 milligrams an pawlh sak a, chu chu nikhata thingpui no 8 in nen a intluk tawka ngaih a ni.
Chutianga thla 6 chhung an enkawl hnuah chuan nitin thingpui no 8 inziah te chu an BP chu 2-3 mmHg in a tlahniam ta a ni.
He zirchianna hi mipui nawlpui tan chuan tihian a sawi theih ang, BP sang neiin nitin thingpui no 8 inziah ta ila, a BP 10% in a tihniam thei a, chu chuan lung lam natna a neih theihna risk pawh 7-10% a tihniam thei a ni.
Thingpui kan tih hian bawnghnute leh chini pawlh loh, a sen hang a ni tih theihnghilh loh a tha ang. Chutihrualin, zirchianna thenkhatah chuan thingpuia bawnghnute pawlh hian kan taksain polyphenols a lakchhuah lehna tur a dal chuang lo niin an sawi a, mahse, he zirchianna-ah hi chuan thingpuisen hang an hmang a ni.
He zirchiannaa an hotu Jonathan Hodgson chuan, “Regular taka hun rei tak black tea (thingpuisen hang) in hi BP sang tan BP tihnniamna tha tak a ni tih kan zirchhuak a ni,” a ti.
He zirchianna chungchang hi journal Archives of Internal Medicine-ah tihchhuah a ni.