2023 BBMA-ah Morgan Wallen perform dawn
November ni 19 a sem tur Billboard Music Awards a mipa zinga finalist nihna ngah ber country star Morgan Wallen chu award semna show-ah a perform dawn tih an puang a, he show-a a perform vawi khatna tur a ni. Morgan Wallen hian category hrang hrang 16-ah finalist nihna 17 a nei a, chung zingah chuan top male artist, top Billboard 200 artist leh top Hot 100 artist te pawh a tel. November ni 19 zanah hian a hla hit ‘One Thing at a Time’ a perform dawn a ni. Wallen hian 2020 khan BBMA top country artist leh top country male artist bakah top country album te pawh a lo dawng tawh a ni.
Kumin BBMA-a perform tur an puan tawh zingah Bebe Rexha & David Guetta, Karol G, NewJeans leh Peso Pluma te pawh an tel. Kumin hian finalist-ah Taylor Swift a langsar ber a, category 20-ah finalist nihna neiin, SZA leh Wallen ten 17 ve ve neiin an dawt a, The Weeknd (16), Drake leh Zach Bryan (14 ve ve), Luke Combs (10), 21 Savage, Metro Boomin leh Miley Cyrus (pakua theuh), Beyonce leh Rema (pasarih ve ve), Bad Bunny leh Peso Pluma (paruk ve ve) leh Ariana Grande, Guetta, Eslabon Armado, Karol G, NewJeans leh Selena Gomez (panga theuh) te chu finalist-a langsar zual an ni.