Mizoram Winter Ranking Table Tennis Championship

Mizoram Winter Ranking Table Tennis Championship 2023 chu vawiin, Ningani hian Mizoram Table Tennis Hall, Kawltheihuan, Mission Vengah khelh tan a ni dawn a, he tournament hawnnaah hian H. Duhkima, Director, Project Manage-ment Unit, PHE Department chu khuallian a ni ang.
Tournament-ah hian category 18 a awm dawn a, Aizawl North leh South huam chhunga TT Club-te bakah Mizoram district hrang hrang atangin table tennis ngainatute an fuankhawm leh dawn a, Mizorama table tennis player tha ber berte pawh an inlan leh thei dawn a, naupang beiseiawm tak takte pawh kan hmu leh thei dawn a ni.
He table tennis inkhawmpui lian hi a tum khatna’n Mizoram Table Tennis Association (MTTA) rua-hmanna hnuaia Aizawl North TT Association leh Aizawl South TT Association-te chuan an organise dawn a; Aizawl district hi Aizawl North leh Aizawl South-ah then a ni a, hetianga tournament huaihawt thei an awm hi Mizoram TT khawvelah hmasawnna lawmawm tak a ni.
Tournament hian nithum chhung a awh dawn a, December 2, 2023, Inrinniah a khar a ni ang.