Naupang harh tan lung lam natna risk a hniam

Mithiam ten zirchianna an neih hnuah naupang harh (physically active) te hian thatna tak a lo nei a, diabetes leh lung lam natna neih theihna risk a hniam e, an ti tlat mai.
Victoria leh Melbourne University-a mithiam te chuan sazu-ah zirchianna neiin, sazu a pian hlima buchip deuh te chuan an puitlin hnuah lung lam natna neih theihna risk an nei a, chu chu an puitlin hmaa exercise an lak that chuan risk hi a hniam leh thei niin an hmuchhuak a ni.
Sazu a pian hlima tz deuh hik te chu kar 5 atanga kar 9 vel an nih laia exercise an lak that tir te chu thla 6 an tlin chuan an lung (heart) lamah sazu hrisel dang ang bawk an ni tawh a, risk a awm tawh hran lo, niin an sawi.
Hetihrual hian sazu an pianhlima tz bik exercise an lak tir ve lem loh teah chuan thla 9 an tlinin risk hi an la ngai reng niin an sawi bawk a ni.
Zirchiannaa an hotu Glenn McConell chuan, “Sazu kar 9 a upa chu naupang kum 5 a upa nen an inang vel a, sazu thla 6 a upa chu mihring puitling ang an ni tawh.
“He zirchianna atang hian naupang te chu an naupan laia an harh that a, exercise an lak that hian an puitlin hnuah lung lam natna leh diabetes an neih theihna risk a hniam tih kan hmuchhuak a, chuvangin school-ah pawh physical education hi kan ngaihpawimawh lehzual a tul a ni,” a ti.
He zirchianna chungchang hi American Journal of Physiology-Endocrinology and Metabolism-ah tihchhuah a ni.