Defence Road sialna tur en

Central Young Lai Association (CYLA) hruaitute leh 74 BRTF RCC hotuten Defence Road sialna tur hmunhma an enfiah.
Central YLA hruaitute leh BRTF 74 RCC hotute hian India Defence Road sialna tur, Saisihchhuah leh a chhehvela kawngpuiin a tantlang tur khua leh hmunhma an enho a. Pangkhua Village Council leh YLA hruaitute nen Indo-Myanmar Defence Road sialna tura ruahman Saisihchhuah leh a chhehvel bakah Pangkhua hmunhma an enfiah. Pangkhua leh a chhehvela mihring chenna in leh ram tichhe lo thei ang bera kawngpui hi sial a nih theih dan tur ruahmanna siam a ni.
Central YLA hruaitute hian Tuichhak tlangdunga YLA Branch leh Sub-Hqrs an tlawh nghal a. An mamawhte hlanin Sangau leh a chhehvela raltlan awmte hnenah mutbu thahnem tak an hlan bawk.