Speaker thar duhsakna hlan

9th Mizoram Legislative Assembly speaker atan chuhtu awm loa Chalfilh bialtu MLA Lalbiakzama thlantlin tak ZPM party chu dik tak leh felfai tak, thlei bik leh duhsak bik nei loa a kaihhruai theih nan leh House zahawmna a vawnhim zel theih nan duhsakna an hlan tih ZPM party chuan an sawi.
ZPM Gen. Hqrs. thuchhuah danin, speaker atana thlantlin tak Lalbiakzama s/o LT Zauva (L) hi 1965 March 1 khan a piang a. Tunah Chanmari West Aizawlah a nupui fanaute an khawsa mek. Thiamna lamah B.Com niin, eizawnna lamah sumdawng a ni. Kohhran lamah United Pentecostal Church (NEI) niin, tunah hian deacon (kohhran upa) ni mekin, Aizawl East District Hqrs chairman a ni mek. Kum 2003 khan Tlungvel bial leh kum 2013 khan Tuichang bial atangin ZNP ticket-in MLA candidate a lo ni tawh a. Tun tumah hian ZPM party ticket-in Chalfilh bial atanga thlantlin a ni.