Pune Book Festival 2023-ah record an siam

une Book Festival 2023-ah fate tana a hu hoa lehkhabu chhiar tam ber record an siam. SP College ground, Tilak Road-ah mi 3,066 pungkhawmin, an fate tan lehkha an chhiar sak a, a hmaa ‘most parent reading to their children’ record, October ni 17, 2015-a Shenyang McDoanld’s Co. Ltd. China-a mi 2,479-in an siam chu an khum ta a ni.
He event hi Pune Municipal Corporation (PMC) bultuma National Book Trust-in December ni 16 atanga 24 thleng Pune Book Festival an buatsaihah neih a ni a, nu leh pa ten an an fate tan Marathi lehkhabu ‘Nisargacha Nash Karu Naka’ chu a rualin minute thum chhung an chhiar a, Guinness World Record an siam ta a ni. PMC hian a tirah chuan mi 4,500 telna event buatsaih an tum a, mahse, mi 3,066 an tel thei a, hei hi record siamna khawp a ni ta tho a ni.