FMGE&W-in thil phut ho CM hnenah thlen

Federation of Mizoram Govt. Employees & Workers (FMGE&W) chuan Thawhtanni khan chief minister Lalduhoma chu a pisa-ah hmuin sawrkar hotute hnena an lo thlen tawh thin chu an thlen nawn.
FMGE&W hruaitute hian dearness allowance, a hun taka hlawh lak, medical reimbursement, retirement age kum 62-a tih, leh FMGE&W office hmun chungchang an thlen a ni.
An pawl hruaitute sawi danin, chief minister hian sawrkar hnathawkte nen chuan theihtawp chhuaha tangrual tur an ni tih lo hrilhin, sum kaihhnawih thilah sawrkar sum dinhmun a that phawt chuan an thil thlen chu tih sak dan ngaihtuah a tiam a. FMGE&W office hmun tur chu remchanga enfiah tur leh tuna awm lailawkna tur pawh ngaihtuahpui an nih tur thu a lo hrilh a ni.