Mary Earps kutah BBC Sports Personality of the Year award

England hmeichhe football team goal-keeper Mary Earps chu BBC Sports Perso-nality of the Year for 2023 atan thlan a ni.
He World Cup star hian Salford-a Media City-ah award dawng-in, kum thum chhunga hmeichhiate zinga he chawimawina ngaihhlut hlawh tak dawng thei hmeichhe pathumna a ni.
Kum 2021-ah tennis star Emma Raducanu thlan a ni a, nikumah Mary team-mate Beth Mead chuan hmeichhe football atang bawkin BBC Sports Personality of the Year award a dawng a, tunah Mary a rawn lang chho leh ta a, kum thum chhungin mipa an nil tlat!
Kum 2019-a cricke-ter Ben Stokes thlan a ni a, 2020-ah mipa bawk Lewis Hamilton ni lehin, Formula 1 star kha mipate zinga he chawi-mawina dawng thei hnuhnungber a ni ta rih.
Tarlan tak angin kum 2022-ah hmeichhe foot-baller Beth Mead a lo lang a, a hma lamah erawh mipa an dingchang rei a, kum 2018-ah Geraint Thomas (cy-cling) kan hmu a, kum 2017-ah Mo Farah (athletics) niin, kum 2014-ah Hamilton (For-mula 1) leh kum 2013, 2015, 2016-ah Andy Murray (tennis)-in he award hi a dawng.
Kumina Young Sports Personality of the Year award dawng-tu chu snowboarding world champion ni thei naupang ber Mia Brookes niin, Cheshire tleirawl kum 16 mi hian kum 2026-a Milan khawpuia Winter Olympic gold la turin a inbuatsaih leh mek a ni.
Snowboarder Mia thlangchhuaktu pawl judging panel-ah hian England footballer hlui Theo Walcott a tel ve nghe nghe.