Dating game thuruk

Vawi khat inkawmnaah chuan- hmeichhia te u in make-up hman danah fimkhur ula, mipa te pawh in sum leh pai chelek danah fimkhur rawh u. India matrimonial website pakhatin survey a neih atanga an hmuhchhuah hi a pawimawh khawp a nia.
Nupui pasala neih tur thlan hi kan nuna thil pawimawh tak a ni a, mahse, chu chu kan vawikhat inhmuhna atangin thutlukna hi kan siam nghal thei niin an sawi tlat mai. He survey-ah hian India-a mi chi hrang hrang 5,200 te zawhna chhan tir an ni.
Survey-a mipa leh hmeichhia ten inhmuh vawikhatna-a an duhdan chu hetiang hi a ni:
1. Inhmuhna hmasa ber atan a hmei apain chhungte hmuh phak loh, hmun zalen deuha inkawm an thlang.
2. In-date vawikhatnaah hmeichhia ten ei leh in bill intum sem an hreh lo nain mipa ten bill an pekin nuam an ti zawk. Mipa te pawhin bill chu an pek turah an ngai.
3. A bula thu chu nupui/ pasal atan a tha dawn em tih ngaihtuah rilru chungin uluk takin an chet vel dan an lo chik ru thin.
4. Hmeichhe tan mipa polite ten point an score belh tlat. Tunlaiah mipa ten ching lutuk tawh lo mahse, hmeichhe tana kawngkhar hawn sak te, an thutna tur lo siam rem sak te hi mipa tan point score belhna a ni.
5. Mipa ten hmeichhe ei leh in an chik hle a. Eng nge a ei tih leh a ei dan bakah a ei tam zawng nen lam an chik ru thin.