Naupang ni la vui zo lo kan tih ang chi ho hian an chhun mut hun an pelh hlauh chuan mutkham loh mai piah lamah thil pawi a awm thei niin mithiam ten an sawi.
University of Colorado Boulder a mithiam Monique LeBourgeois leh a thawhpui ten zirchianna neiin, naupang kum 2 leh kum 3 te nunphung an zirchianna atangin, an chhun mut huna an mut loh hian an hlim lo sawt a, thil hriatthiam theihna a tlahniam a, mahni tawka harsatna an sutkian ve thiamna pawh a tlahniam niin an sawi.
Monique LeBourgeois chuan, “Tunlai naupang tam tak mut kham lo an awm a, chutiangin naupang chhun mu rual, chhun mut huna mu lo pawh an tam sawt hle. Hetianga mut an kham loh hian an thluak hnathawh a khawih buai a, damchhungin mood-kaihhawih harsatna an neih phah thei a ni,” a ti.
Nutrition tha a pawimawh ang bawkin mut kham hi naupang thanlen nan a pawimawh niin an sawi a, naupan laia mut kham loh hian rilru lamah nghawng a nei thei niin an sawi.
He zirchianna chungchang hi Journal of Sleep Research-ah tihchhuah a ni.
Naupang tan chhun mut loh a pawi!
Get real time updates directly on you device, subscribe now.
Prev Post
Next Post