MRB leh SBI hotu in CM kawm

Mizoram Rural Bank hotute chuan an chairman Sheryl L. Vanchhawng hoin Nilaini khan chief minister Lalduhoma a pisaah lawmpuina an hlan a, an dinhmun leh hnathawh sawiin sawrkar nena indawrna tam zawk neih an duh thu an thlen.
Chief minister hian mipui mamawhna avanga inzauh zel tura kan nawr ngam bank an ni tih sawiin, CD ratio nise a tha ber zing ami a ni thei reng tih a sawi. Mipui leh sawrkar atang pawhin duhsak an phu hlea a hriat thu sawiin, sawrkarin a taka Hand Holding Policy a kalpui hunah phei chuan bank-te nen inhnaih taka thawh a tul dawn tih a sawi a ni.
MRB hotute hian an bank kaltlanga sawrkarin sum tam zawk a khawih ve theihna tur an dil a, MRB manager atana Mizo thalai tling thei an tlem avanga an mangan thute an thlen. Heng an harsatna sutkian dan tur nia an hriatte an sawiho a ni.
State Bank of India regional manager, State Level Bankers’ Commitee convener Rakesh Ravi pawhin Nilaini vek khan chief minister hi hmu in, lawmpuina a hlan a. An hmalakna hrang hrang a hrilh bakah hmasawn zel tura an mamawh a thlen.
Chief minister hian sawrkar Hand Holding Policy kalpui dan tur tlangpui a lo hrilh a, CD ratio tha zawk nei a, mipui tana a zau thei ang bera inhawng turin a hrilh. Bank kaltlanga sawrkar scheme kalpui thinah a kaihhruai sawrkar chuan engkim uluk leh dik taka an kalpui tur thu hrilhin, beneficiary thlan thuah pawh a tling leh tlak chauh an thlang thin dawh tih a sawi a ni.