Dragonfruit huan neituten ngen

Thenzawl Dragon Fruits Growers & Marketing Society chuan Nilaini khan chief minister Lalduhoma a pisaah hmuin an pawlin dragon fruit an chinna hmun panna kawngpui siamsak turin an ngen.
Society hruaitute hian hmun zau takah dragon fruit a hlawm (cluster) a an chin thu sawiin, an hmunhma panna kawngpui hi SEDP atanga thawh a ni a. Hmun thenkhat a chhuk chho zual lai, lirthei full load-a tlanpui theih lohna, hmun thenkhat zim zual lai, huan awmkhawm (zau) inkalpawhna te siam tul engemawzat a la awm tih an sawi a ni.
Chief minister hian an dilna hi tihhlawhtlin sak a tum tur thu a hrilh a, an hmunhma pawh tlawh a tum tur thu a sawi bawk.
Thenzawl Dragon Fruits Growers & Marketing Society-ah hian a tirah member chhungkaw 69 leh mimal pathumten kung 36000 phunin bul an tan a, a hnuah kung engemawzat an phun belh tawh a ni.