Thilsiam chhantu mi paruk chawimawi

Leilung, ramngaw leh nungcha humhalh leh tih that kawnga tha thawhhlawk nia ngaih mi paruk hnenah hemi lama hma latute chuan chawimawina an hlan.
Lalthara-te Unau Foundation (LUF) chuan ‘Thilsiam Chhantu Pasaltha’ tih hmingpu in environment humhalh kawnga hma latu hnenah kumtin chawimawina hlan an tum a. Kum 2023 khan pawl 5 – Biodiversity Management Committee Sailam, Centre for Environment Protection, Mizoram Zoological Society, Save Mizoram Rivers leh Youth for Environment Justice Mizoram hnenah chawimawina hi hlan a ni.
Kuminah mimal paruk hnena hlan a ni a. Chawimawina hian thuziak leh sumfai cheng nuai khat a keng a, kumtin tih tum a ni.
Kumina chawimawina hlante hi – Vanramchhuangi, K Lalmuansanga, C Lalbiakzama, Romalsawma, C. Lalsangpuia leh PC Lalnunzira an ni.
LUF hming putu Lalthara chuan an foundation bul tan nan an unauin cheng nuai 105 thawhkhawmin, hei hi an tu leh faten an la kalpui zel dawn tih a sawi a. Pathian thilsiam humhim leh chhawmdawltute tanpuia chawimawi let chu an ngaihpawimawh hmasak a ni tih a sawi a ni.
Vanramchhuangi (Ruatfela Nu): Hman khat daih plastic hman lohna turin hma a la a, a thlakna tur tawih thei bag hman uar kawngah hma a la bawk. Thing kih nasa lutuk leh sava veh do kawngah chainsaw leh air gun do beihpui thlakin khaw hrang hrang a tlawh a; Tlawng hnar tihchingpen tumna awmah nasa takin a do hna a thawk a ni. NHIDCL-in Mizorama kawng a laihnaah environment tihchhiatna nasa tak a awm avangin hemi dodal hian beihpui a thlak a, High Court-in Riverine Reserve Forest notification thiahna order a tihchhuah chu a hoin khinlet mek a ni.
K Lalmuansanga: Environment hmuhalh kawnga thahnemngai, environment humhalhtu pawl – Association for Environmental Preservation (ASEP) dintu zing ami a ni. Thing leh mau, sava leh nungcha dang a rem mai loh na tura nasa taka hma la a, leilung tichhe thei thil hmang lo tura zirtir kawnga thahnemngai a ni. Environment ven leh humhalh a tulna lam chanchinbu hrang hranga article 300 chuang a ziah tawh bakah heti lam lehkhabu 6 a ziak tawh. A awmna kohhran UPC-ah a hmalakna avangin North East India