CM leh AR hotu inkawm

Assam Rifles (East) inspector general Major General VK Nambiar chuan Zirtawpni khan chief minister Lalduhoma chu a pisaah hmu in lawmpuina a hlan a, thil pawimawh hrang hrang an sawi dun.
Major general hian Assam Rifles-in Mizoram leh India hmarchhaka hma an lak dan tlangpui hrilhin, Mizote thiantha ni zel turin kawng tam takah hma an la ve tih a sawi. Zokhawsanga AR hmuna anmahni sensoa an din school tlawh tura sawmin, Chhingchhip Sainik School-in mamawh an neih pawh a thlen a ni.
Chief minister hian Mizoram chu international ramri karcheha awm a nih angin tunah pawh ruihhlo leh dan loa kuhva ro tawlh a nasa em em a. Heng thil tha lo kal thinte hi tihtawp hmiah an tum a, AR pawhin nasa takin an thawk tih a hriat thu sawiin, lawmthu a sawi a. Theihtawp chhuah chhunzawm turin a ngen tih a sawi. Zokhawsanga an school din pawh a tlawh tur thu sawiin, Chhingchhip Sainik School-a state sawrkar atanga mamawh an neih chu ziaka a hnena thlen turin a hrilh a ni.