Minister ten Lengpui thlawhna chesual a hmunah tlawh

January ni 23, 2024-a Lengpuia Myanmar sipai thlawhtheihna chesual chu nimin khan Sports Minister Lalnghinglova Hmar, FCS&CA Minister B. Lalchhanzova, Deputy Speaker Lalfamkima leh ram hruaitu dangten a hmunah an en.
New Delhi-a ‘MLA Orientation Course’ kal haw lamte a hmunah kalin, Dy. Controller, Civil Aviation Saidenga’n a hruai a, an chetsual dante a hrilhfiah. Ram hruaitute chuan vanduaina thleng chu pawi an tih thu leh hliam tuarte an tawrhpui thu an sawi a. Myanmar sipaite hi nimin lam khan an sipai thlawhtheihnain a rawn hruai a, an phur haw tawh a ni.