Manipur Tribal Forum ten Centre-in a enkawl an ngiat

Manipur tribal forum te chuan Centre chu May 3, 2023 atanga non-tribal Meitei community te nena intibuai tawh Kuki-Zo te chu a hranpaa enkawl turin an ngen.
Inrinni khan nilengin Kangkokpi district-ah Meitei leh Kuki-Zo te chu an inkap bawk a. Satang Kuki village bula inkahna chu tlailam dar 4 velah a tawp chauh a ni.
Mipuite rawn an nih hnuah ITLF te chuan Kuki-Zo te chuan ‘kan political hmalam hun kalzel turah’ Mizoram sorkar rawn ni se an ti bawk a ni.
“Manipur sorkar min thata kan Biak In leh bungrua te min tihchhiatsak a, physically leh demographically a min thena militia group Arambai Tengol te hnuaia thutiam la, enkawlna hnuaiah kan awm thei lo. Centre hian Delhi atangin min enkawl rawh se” tiin ITLF thuchhuah chuan a tarlang.
ITLF te chuan Centre in free movement regime (FMR) agreement tihtawp a tum leh India-Myanmar border pin a tum chu an dodal tur thu an sawi bawk. Manipur sorkar chuan FMR tihtawp a duh laiin Mizoram leh Nagaland sorkar chuan an duh lo thung.
ITLF te chuan lungawilohna a tul dan a zira lantir chhunzawm zel tur an ti bawk a, ITLF tena ruahmanna siamte thlawp zel tura mipuite ngen bawkin SoO group te chuan Manipur integirty atan inremna an ziak tur a ni lo va, UT kan demand ah kan nghet tlat an ti bawk. Centre chuan Suspension of Operations (SoO) agreement chu Kuki-Zo rights tana beitu armed group 25 vel te nen an ziak a ni.
“Kan hmalam political movement kalpui turah SoO group te leh MLA te nena sawihovin Zo United hmalakna sawiho tur a ni ang. MHA pawh SoO, MLAs leh CSOs (civil society organisations)hming ziah hnan nen kan political demand te hrilhhriat an ni ang” tiin ITLF declaration chuan a tarlang bawk.
ITLF te chuan Kuki-Zo MLA te chu ‘Meitei sorkar ah an tel thiang lo’ tia sawiin N. Biren Singh sorkar chu community aiawhin an bei tur a ni a, a tul chuan an bang mai tur a ni an ti bawk. Manipur-ah hian Kuki-Zo MLA 10 an awm a, an zinga pasarih chu BJP an ni.